У ноч на 10 жніўня ўкраінскія бесьпілётнікі атакавалі Саратаў. Адзін зь іх упаў у двары жылога дома — загінуў мужчына, некалькі чалавек атрымалі раненьні.
У частцы кватэр выбіла вокны, пашкоджаны аўтамабілі, паведаміў у «Тэлеграме» губэрнатар вобласьці.
Мясцовыя жыхары паведамлялі, што адзін з дронаў трапіў у нафтабазу, дзе ўспыхнуў пажар. На фота і відэа з сацсетак бачны густы чорны слуп дыму. Губэрнатар Раман Бусаргін пацьвердзіў пашкоджаньні на адным з прамысловых прадпрыемстваў, але не ўдакладніў, якім менавіта.
Мінабороны Расеі заявіла, што ўсяго за ноч зьбілі 121 украінскі дрон над 13 рэгіёнамі Расеі, а таксама ў Крыме і над Азоўскім морам.
Ва Ўкраіне заявілі, што Расея атакавала яе тэрыторыю ста дронамі Ад удару па станцыі Сінэльнікава спыняўся рух цягнікоў.
ГЛЯДЗІЦЕ ТАКСАМА: Зяленскі пасьмяротна ўзнагародзіў беларускую добраахвотніцу Марыю Зайцаву ордэнам «За мужнасьць» ГЛЯДЗІЦЕ ТАКСАМА: Прадстаўнікі Эўропы, Украіны і ЗША абмяркуюць пляны заканчэньня вайны ГЛЯДЗІЦЕ ТАКСАМА: Дональд Трамп: сустрэча з прэзыдэнтам Расеі адбудзецца 15 жніўня на Алясцы